سهر الأزواج المتأخر خارج البيت مشكلة تعاني منها كثير الزوجات .. يرجع الزوج البيت وهو مب قادر يفتح عينه وزوجته المسكينه تعاني وتنتظر وهوه من التعب بيرجع البيت وبينخمد وبيرقد أو بيسوي شي في ثواني وبينخمد وبيخلي زوجته مقهورة عل الموضوعين!
افضل حل لهذه المشكلة وأي مشكلة أخرى تحدث بين الزوجين هي أنكم تتكلمون وتتحاورون في الموضوع مع بعضكم البعض ولكن أغلب الأحيان تنتهي النقاشات بالصراخ والزوج يقول لزوجته وهو يزبّد من الغضب “هذا لي ناقص بعد تبين تتكمين في حياتي ووقتي وربعي” ولا يتم التوصل عادة لحل أي مشكلة!!!
أنصحك بقراءة موضوع الصلح خير وفيه أشرح طريقة جميله للنقاش الناجح
وكذلك أقري موضوع زوجي يطلع ويودرني في البيت بروحي مع ولدي الصغير ومنه أقتبس واتصرف في الجزء الذي أقصده …
فعليا كزوجته انت في وضع أفضل من ربعه لاسعاد زوجك .. فالمفروض أنك تعرفين ما يعجبه ومالا يعجبه وكيف تثيرينه أكثر من أي شخص آخر
الموضوع بسيط يبدأ بمسجات حلوه تكتبينها انت وتعبر بصدق عما بداخلك وتكون حلوه فلا تكتبي مثلاً .. “سأظل أبكي كلما خرجت انت لسهراتك ونزواتك” .. ولكن إكتبي له مثلا .. “كم اتمنى حبيبي أن اقضي الليله على صدرك”
بامكانك اثارته .. اخرجي الانثى الدفينه بداخلك اخرجيها بصدق لأخذ حقك من زوجك ولا تتركيه يخرج .. استخدمي قوة الانثى .. لا مب الدموع .. ولكن الدلع والانوثه
أغلب الحريم يردون ويقولون ما أقدر لأني خلاص مب قادره اتحمله خله هوه يتغير وأنا جاهزه … وهذا كلام الفاشلات المنهزمات
لا تستلمي وتكوني من الفاشلات .. وحاولي وان شاء الله بتقدرين تغيرينه
الإصرار … الإصرار … الإصرار
وقد تحاولين ويصدك أو يرد عليك رد يقهرك .. لا تسوين مثله .. كملي مكرك كملي خداعك له .. نعم آخدعيه .. فمثل ما يقصون عليه ربعه انت بعد ما ينقصك شيء بل أنت تقدريت تسوين أشياء ربعه ما يقدرون عليها وتحديهم كلهم .. المهم السر هو الإصرار والصدق والمواصله وعدم الاستسلام”
الحل بيدكم أنتوا أشرحي له موقفك وان شاء الله بيتغير
وإذا كان الكلام المباشر صعب فمثل ما قلت اكتبي له على ورقه وخشيها في جيبه وخليه يكتشفها وهو يالس مع ربعه وفي المواضيع المرفقة شرح كافي
لكن تذكري أن الموضوع يحتاج وقت فطولي بالك .. هناك من يتغير في كم يوم وهناك من يأخذ أسابيع وهناك من يقاوم لسنوات ، و لكن ثابري وواصلي حتى تنجحي ، ولكن بالحب والود وليس بالصراخ والزعيق فكل ما ستجنينه من الصريخ هو فقط الصداع ووجع الرأس
مع تمنياتي لكم بحياة زوجية سعيدة
عــبداللـه @ الــعــنــزروت™
وشكراً لمروركم ونشركم للوعي
لو سمحت أستمع للشرح التالي حتى تستفيد بشكل أمثل من الموقع ⇓
كذلك أتمنى منك تصفح عناوين كل مواضيع الموقع على الرابط التالي فقد تجد ما تبحث عنه
Widget not in any sidebars
شرايك باللي يسهر دايم حتى وقت وجبة العشاء منتصف الليل
ومع الحوار الهادي والاتفاق يتعدل يوم ثم بكره يرجع للسهر ..
هالحالة الزوجة تنتظره يرجع وتنام بنفس وقت نومه؟ أو تضبط وقتها وتنوم مبكر لوحدها ؟ .. أرهقني السهر ومحتارة
هل نوم الزوجة قبل زوجها وتناوله الوجبة لوحده شيء يؤثر سلبا على الحياة الزوجية؟!
موضوع السهر مرض أبتليت به أغلب مجتمعاتنا العربية
أتفقوا فيما بينكم على أمر يرضي كلاكما
مطبقة كل اللي قلته لي ٣سنوات وما نفع..٣ سنوات من الصبر وطولة البال والدلع والتبويس كل ما قرر يطلع بلا فايدة .. تكلمت معه بحوار هادي ونقاش كذب علي قال لي برجع بدري ولا رجع.. انهرت بكيت بولا كلمة ما نفع.. والمتعب في الموضوع أننا بلا أطفال وأعالج للأطفال وهو لا يجد وقت ليجامعني أصلا مثل العالم والناس اكتب لك هذا الكلام وهو جمبي رجع دايخ ونام وأنا ابكي ..هل زوجي أحمق وغبي؟
لا لعلم مشكلة زوجك من هذاالكم البسيط من المعلومات
ان شئت أستخدمي صفحة الاستشارات للكتابة ولكن بعد قراءة بعض مواضيع الموقع المناسبة لحالتك