زوجتي تستحي وما تقول لي حتى كلمة أحبك .. ولو قلت لها قولي يطلع الكلام كأنه مب من الخاطر .. شو الحل؟!

03dfec54cacd11e2af7e22000a1f8ae5_7

زوج يسأل …

زوجتي تخجل مني رغم أننا متزوجين من 9 سنوات وعندنا عيال .. حاولت اغيرها .. اقولها قولي ” أحبك” ♥ .. بعد كم يوم تقول لي نفس الكلام الي حفّظتها إياه .. وأحس انه الكلام مب من خاطرها .. ويوم أكلمها تقول لا من خاطرها صدق … فشو أسوي وشو الحل ؟!

جواب العنزروت :

إذا بالقول ما تقدر تقولك كلام حول بسبب الخجل جرب تخليها تكتب لك .. سواء في الموبايل أو على ورقه .. احتمال أنك اذا كنت انت مب موجود أمامها فقد تهون المسأله .. وشوي شوي خلها مثلاً تقرأ لك الورقه .. أو خلها تسجل وأنت مب موجود في الغرفه وبعدين تسمعك الكلام

أهم شي أنك شجعها حتى ولو على أقل شيء .. وحتى لو مافي شيء بعد شجعها

الموضوع يحتاج فقط تدرّج وصبر وتشجيع .. وكأفاها ولو بورده من الشيشه أو حتى حبة كتكات .. وجرب تطرش لها مسجات حلوه في النهار وأنت في الدوام بعيد عنها ولا تتريا رد ولو ما ردت لا تعنفها خلها تأخذ وقتها .. لكن أن شاء الله بتتغير

مع تمنياتي لكم بحياة زوجية سعيدة

عــبداللـه @ الــعــنــزروت™

07a

وشكراً لمروركم ونشركم للوعي

أضغط هنا قبل أن تضيف تعليقك ...

3 آراء على “زوجتي تستحي وما تقول لي حتى كلمة أحبك .. ولو قلت لها قولي يطلع الكلام كأنه مب من الخاطر .. شو الحل؟!”

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *